|
Die "Biermösl-Blasn"
widmet Bischof Müller ein Lied
Die Biermösl Blosn hat dem Regensburger
Bischof Gerhard Ludwig Müller ein Lied gewidmet, das sie bei ihrem Auftritt im
Kunstforum Ostdeutsche Galerie zum Besten gaben.
Hier der Text des Liedes:
Da Bischof Müller von Regensburg, hängt
eines Tages am Tropf
Wias z' End geht dean Engerl kemma - mit Hörndln drobn am Kopf
Hoaz Sparifankerl hoaz Sparifankerl, des gib a saftigs Bischofsschmankerl,
hoaz nur fest ei fest ei , der Brotn der werd fei
Und wiara unt in d' Höll neikimmt, schrein
de Teifin: der kimmt grod recht
Waar der no länger Bischof bliebn, na waar er für d'Höll no z'schlecht
Hoaz.....stoits a Knödlwasser auf und hoits an Messwein rauf
Da Obergingingerl sogt zum Untergingangerl:
wo schmeiß'ma'n hi in der Hölln
Werf ma'n obi zum Bischof Mixa, oder wart ma no aufn Meißner vo Köln
Hoaz.... an Müller schickt da Hergott selber rei- kristische Pfarrer entlasst
a, Kinderschänder stoit er ei
Am Luzifer sei Großmuatter sogt: I woaß a
feine Qual
Den grill ma mit Evangelische ois ökomenisches Abendmahl
Hoaz .... daß danach an Mogn net reißt - gibt’s an Klosterfrau Melissengeist
Am Bischof sei Diozösanrat, werd direkt an
Himmi nauf bracht
Weil de hom mitm Bischof Müller, scho auf Erdn de Höll durchgmacht
Hoaz.....frohlocket es Teifin und seids froh- an am Diozösanrat is eh nix dro
Und hinterm Diozösanrat, fliagn 3 Musikantn
drei
Und alle seeligen Jungfraun schrein_ he Biermösln , do kemmts rei!
Eini in Himmi, eini in Himmi, singsts vom Holledauer Schimmi, kemmts an 7.
Himmi rei- a Gaudi de muaß sei!
| 
